Vladika Mihailo: Po povratku sa komemoracije u Srebrenici jedan čovjek je nasrnuo na nas uvredama

550

Vraćajući se sa komemoracije u Srebrenici svratili smo da se odmorimo u mjesto Aranđelovo kod Trebinja i doživjeli da slušamo apologiju tom strašnom zločinu i zločincima. Jedan gost je zbog našega prisustva komemoraciji u Srebrenici na nas nasrnuo uvredama, koje nas nisu lično uvrijedile, ali jesu nas kao božja bića – naveo je vladika Crnogorske pravoslavne crkve Mihailo.

Isijavao je, kako je naveo, mržnju na sve druge i drugačije “kojom ga je naoružala Svetosavska crkva”.

– Kakvo je to hrišćanstvo svetosavske crkve koja vjerujuće sklone prećeranome fanatizmu naoružava mržnjom prema drugim narodima i bližnjima i podstiče nasilje nad drugim i drugačijim – upitao je Mihailo.

– Društvo mora da ustane protiv takve politike slugu božjih koji umjesto dobru i ljubavi služe zlu i mržnji, prije nego li otrov mržnje ovlada javnom scenom sa zastrašujućim posljedicama. Poslije toliko godina od genocida u Srebrenici i danas, prema njegovim riječima, mnogi slave taj strašni zločin genocida uperen protiv cijeloga jednoga naroda i zločince koji su se tim strašnim aktom upisali u sramne i mračne stranice historije civilizacije. To saznanje pogađa onaj ljudski nerv u čovjeku, svakoga koji u sebi ima išta ljudsko – zaključio je vladika Mihailo.